Қазақ сахна өнерiн әлемдiк деңгейге көтеріп, мәртебесiн аспандатқан, сахналық шешiмдерiнiң тереңдiгiмен жаңашыл режиссер атанған өнер тарланы Болат Манашұлы Атабаевтың бірегей қойылымы, аты аңызға айналған «Мәңгілік бала бейне» қалпына келтіріліп, көрерменіне тағы бір мәрте жол тартты.
Алматы мелекеттік қуыршақ театры ағымдағы жылдың ақпан айының 15-і күні қазақстандық боксшы, Сидней Олимпиадасының жеңімпазы Бекзат Саттархановтың батыл рухына арналған «Чемпион» қойылымының премьерасын театр сүйер қауымның назарына ұсынды. Арманға деген адалдық, мақсатқа жету жолындағы қажырлы еңбек, елі мен жеріне деген сүйіспеншілікті насихаттайтын қойылым жас жеткіншектерді қайсарлыққа, өжеттілікке, батылдыққа, шыдамдылыққа тәрбиелейді.
Алматыда аса дарынды қылқалам шебері, біртуар суретші Әбілхан Қастеевтің 120 жылдығына арналған мерейтойлық көрме ашылды. Экспозицияға Әбілхан Қастеев атындағы Мемлекеттік өнер музейінің коллекциясынан 300-ден астам көркем және графикалық туындылары қойылған. Суретшінің бай мұрасы еліміздің көркемсурет өнерінің алтын қоры саналады.
Алматыдағы Мұхтар Әуезов атындағы Қазақ ұлттық драма театрында 14,17 ақпан күндері «Sham Auen» шам жарығындағы классикалық музыка концерттері өтеді.
Түбі бір түркінің тұтастығы жолында саналы ғұмырын сарп етіп, Алаштың азаттығын ту етіп, Түркістаным деп күрескен мемлекетшіл тұлға - Мұстафа Шоқайдың тар жол, тайғақ кешу қасіретті тағдыры, мұң-шері спектакльде сүйікті жары Мария арқылы беріледі. Мария Яковлевна танымал опера әншісі бола тұра бар өмірін ерінің күрескерлік тағдырына арнаған, соңғы демі үзілгенше «Менің Мұстафам» деп рухын ардақтап өткен аяулы тұлға.
Спектакльге арқау болған оқиға – жапондық Ахико Тэцуроның тағдыры. Ол Қарлаг түрмесіне 15 жасында түсіп, жан төзгісіз азапты торда 10 жыл отырған. Лагерьден өлімші халде босап шыққан ол қазақ анасының қамқорлығының арқасында тірі қалып, өмірге қайта оралады
Абай театры көрермен назарына әлемдік сахналардың ғажайып қойылымдары мен симфониялық кештерді ұсынады.
Заманынан озып туып, соңына өшпес рухани мол мұра қалдырған, көрнекті ақын, Алаш ардагері Мағжан Жұмабаев тағдырының ақтаңдақты тұстары аз емес. Халық жауы науқанымен екі рет ұсталып, қырық төрт жыл ғұмырының он жылын қапаста, түрмеде өткізген ақынның қасіретті тағдыры спектакльде аяулы жары Зылиханың естелігі арқылы беріледі.
Мұрат Мұтұрғановтың «Еліміздің үздік жаңажылдық шоуы» - ең сүйікті «Барлық балаларға арналған жаңажылдық мереке». 7 жыл қатарынан әр мезгіл сайын Алматы қаласында өткізілетін мерекелік іс-шара мыңдаған бүлдіршіндер мен олардың ата-аналарын қуантып келеді.
Мұхтар Әуезов атындағы Қазақ ұлттық драма театрында Қазақстанның Халық артисі Бикен Римованың 100 жылдығына арналған «Қара шаңырақ – 2023» атты жаңа қойылымдар фестивалі өтуде.
