Елімізде тұрғын үй бағасы арзандамайды. «Отбасы» банкі

Қазақстанда жақын арада жылжымайтын мүлік бағасы түспейді. Мұның бірнеше себебі бар, ең бастысы - елдегі тұрғын үйге деген сұраныс жоғары. Бұл туралы үкіметтік брифингте «Отбасы» банкінің басқарма төрайымы Ләззат Ибрагимова мәлімдеді, деп хабарлайды "Сапалы Қазақстан" порталы.  

Демографиялық көрсеткіштерге байланысты бағалар өсіп жатыр. Сұраныстың тұрақты болуының негізгі себептерінің бірі - 2000 жылдардағы демографиялық толқын, деп жазды krisha.kz.

 2000 жылы Қазақстанда 222 000 бала дүниеге келді; 2007 жылға қарай бұл сан шамамен 322 000-ға жетті. Бұл ұрпақ қазір тұрғын үй нарығына еніп жатыр.

 «2000 жылдардың басында туғандар қазір шамамен 26-27 жаста - бұл отбасын құрып, өз пәтерлерін іздей бастайтын жас. Осынау фактор алдағы жылдары сұранысты арттыра түседі. Бұл 2026-2027 жылдары, жас сатып алушылардың үлкен тобы бір уақытта нарыққа кірген кезде байқалуы мүмкін», - деп түсіндірді «Отбасы» банкінің басшысы.

Басқа жағдайлар да  тұрғын үйге деген сұранысты растайды. Қазақстанда жыл сайын шамамен 120 000–130 000 неке тіркеледі.

Құрылыс сұранысқа ілесе алмай жатыр

Елдегі тұрғын үй құрылысының көлемі де өсіп келеді. 2025 жылы Қазақстанда 20,5 миллион шаршы метр тұрғын үй салынды. Бұл 150 000 пәтерден астам. Бірақ бұл көлем  нарықтағы сұранысты қанаттандыра алмайды.

Фото: pixabay.com.

 Мемлекет жеке құрылыс салушылардың бағаларын реттемейді.

 Индустрия және құрылыс министрі Ерсайын Нағаспаев мемлекеттің жеке құрылыс компанияларының баға саясатына араласа алмайтынын еске салды. Сондықтан нарықтағы пәтер бағаларын құрылыс салушылардың өздері анықтайды.

Тек мемлекеттің қатысуымен салынатын әлеуметтік тұрғын үйдің бағасы бекітілген және нарықтық бағадан айтарлықтай төмен - шаршы метріне шамамен 350 000 теңге.

Мемлекеттік бағдарламалар бағаны көтермейді.

Ләззат Ибрагимованың айтуынша, мемлекеттік бағдарламалар кейде көпшілік күткендей тұрғын үй бағасын көтермейді; керісінше, олар отбасыларға ақша үнемдеуге көмектеседі.

Екінші деңгейлі банктердегі нарықтық ипотекалық мөлшерлемелер 22–25%-ға жетуі мүмкін, ал Отбасы банкінде олар айтарлықтай төмен. Сондықтан мемлекеттік бағдарламалар бағаны көтермейді. 

Бағаға не әсер етуі мүмкін

Спикерлердің айтуынша, тұрғын үй құны көптеген факторларға байланысты:

- Құрылыс материалдарының бағасы.

- Импорттық материалдарға тәуелділік.

- Логистика.

- Құрылыстағы жалақы.

- Басқа да шығындар.

Сарапшылардың пікірінше, егер ел құрылыс материалдарының отандық өндірісін белсенді түрде дамытып, импортқа тәуелділікті азайтса, бұл біршама құрылыс құнына әсер етуі мүмкін.

Дегенмен, бұл жағдайды тез өзгертпейтін ұзақ мерзімді фактор. Сондықтан сарапшылар алдағы жылдары бағаның төмендеуін күтпейді.