Алматыға трамвайлар қайтарылмақ

       Алматыға трамвайларды қайтару жоспарланып отыр. "Алматыбасжоспар" ҒЗИ бас директоры Асхат Садуов бағыттарды атады.

       Алматыдағы SHARE Халықаралық архитектуралық форумында Асхат Садуов қалада трамвайлар қайта пайда болатынын мәлімдеді.

"Трамвай "Барлықтан" Төле би көшесі бойымен жүреді. Бұрынғы жолында. Біз оны әуежай бағытына дейін созамыз, осылайша батыс пен шығысты байланыстырамыз.

Біздің мақсатымыз – адамдардың 20 минут ішінде жүріп-тұруына мүмкіндік беру. Бұл әлемдік тәжірибе және ақылға қонымды шешім", – деді ол.

       Қазір жобаның техникалық-экономикалық негіздемесі әзірленіп жатыр. Садуовтың айтуынша, іске асыру мерзімі келісімшарт форматына және қаржыландыру көздеріне байланысты болады.

https://kaz.tengrinews.kz/