Үндістан Премьер-министрі Нарендра Моди халықты бір жылға алтын сатып алмауға шақырды.
Айтуынша, бұл қадам мемлекеттің валюталық резервін қорғау үшін қажет. Үкімет басшысының үндеуінен соң елде зергерлік компаниялардың акциялары күрт құлдырады. Енді осы саланың арқасында күнелтіп отырған зергерлер қайтпек?
Үндістан жыл сайын 800 тоннаға дейін бағалы металл тұтынады. Елде кен орындары болмағандықтан алтын сатып алуға жыл сайын 40–60 миллиард доллар қаржы жұмсалады. Импорт көлемі бойынша бұл тауар тек мұнайға ғана жол беріп отыр.
Алайда зергерлік бұйымдар саудасымен айналысатын дүкендер мен қолөнершілер бұл жаңалыққа қуана қоймағаны анық.
Премьер-министр Нарендра Моди сондай-ақ жанармай үнемдеуге, қашықтан жұмыс істеуге және саяхаттауды шектеуге шақырды. Ирандағы соғыс Үндістанның төлем теңгерімі мен рупий бағамына қысымды күшейтті.
Үндістанда алтынға сұраныс жоғары. Әсіресе үйлену тойларда алтын әшекейлер қалыңдық киімінің маңызды бөлігі саналады әрі сыйлық ретінде жиі ұсынылады. Morgan Stanley инвестициялық банкінің мәліметтеріне қарағанда елдегі қарапайым тұрғындардың қолында 3,8 трлн доллар көлемінде алтын бар. Бұл ЖІӨ-нің 89 пайызына тең.
https://24.kz/kz/