Қалта ұрыларынан қалай сақтану керек. Полиция кеңесі

Еліміздің ең ірі мегаполисі - Алматы қаласында  қалта ұрлығы күні бүгінге дейін көшедегі ең көп таралған қылмыстардың бірі болып келеді. 

Ең сорақысы қалта ұрыларының көбінесе адамдарды соңғы күнкөріс қаражатынан айырады, өйткені қалталы азаматтар қоғамдық көлікпен жүрмейді. 

Қалта ұрылары – адамдар көп жиналатын жерлерде сөмкелер мен қалталардан мүлікті (әмияндар, телефондар) жасырын ұрлауға маманданған қылмыскерлер. Олар негізінен қоғамдық көліктерде, кезектерде және базарларда, көбінесе топтарда жұмыс істейді. Олар назарды басқа жаққа аудару, «құрал» (қолдағы киім) жасыру немесе сөмкелерді кесу үшін өткір заттарды пайдалану әдістерін қолданады.

Сондықтан полиция қоғамдық орындардағы қалта ұрлығынан қалай сақтану керегін еске салады. 

Алматы қаласы полиция департаменті азаматтардың қауіпсіздігін арттыру мақсатында қалта ұрлығының ең жиі қолданылатын тәсілдерін көрнекі түрде көрсететін профилактикалық бейнеролик дайындады. Бейнематериалда сауда үйлерінде, базарларда, қоғамдық көліктерде және адам көп жиналатын орындарда қалта ұрыларының қалай әрекет ететіні нақты мысалдар арқылы көрсетілген. Роликте қаскөйлердің көбіне жұптасып немесе топпен жұмыс істейтіні, жәбірленушінің назарын әдейі басқа жаққа аударып, жасанды түрде қарбалас пен тығыздық туғызатыны, сондай-ақ әрекеттерін жасыру үшін сөмке, пакет немесе сырт киімді пайдаланатыны бейнеленген. Қалта ұрыларының негізгі нысанасы, әдетте, ұялы телефондар мен әмияндар болып табылады. 

– Мұндай ұрлықтар көбіне адамдардың асығыстығы мен көпшілік арасындағы бейқамдықты пайдаланумен жүзеге асады. Қалта ұрлықтары, әдетте, адам көп шоғырланған, қарбалас жағдайда жасалады. Қылмыскерлер азаматтардың қырағылығына сенбейді, керісінше олардың бейқамдығын пайдаланып, тез әрі білдіртпей әрекет етеді. Сондықтан біз алдын алу шараларына және көрнекі түсіндіруге ерекше мән беріп отырмыз, – деді Алматы қаласы полиция департаменті криминалдық полиция басқармасының бастығы Асхат Дәулетияров. 

Полиция өкілдері мұндай қылмыстардың басым бөлігін қарапайым жеке қауіпсіздік ережелерін сақтау арқылы алдын алуға болатынын атап өтті. 

Фото: pixabay.com.

Қалта ұрыларының құрбаны болмау үшін не істеу керек?

Портфельде, әмиянда немесе, әсіресе, пластик пакетте ақша немесе әмиян алып жүрмеңіз. Әмияныңызды қысып ұстамаңыз, себебі оның сыртқы түрінің өзі ұрының оны ұрлауына себеп болуы мүмкін.

Ешқашан PIN-кодыңыз жазылған қағазды банк картаңызға жапсырмаңыз. Оны ұялы телефоныңызға немесе смартфоныңызға жазып қоймаңыз. Өйткені, егер қалта ұрысы осы заттардың барлығын ұрлап кетсе, картаңыздан барлық ақшаны оңай алады. Ал ұрланған жеке куәлігіңіз оларға сіздің атыңыздан несие алуға мүмкіндік береді.

Осындай жағдайдан сақ болу үшін дүкенге немесе базарға бармас бұрын әмияныңызды, смартфоныңызды немесе басқа да құнды заттарыңызды ішкі қалтаңызға салып, оларды бақылауда ұстауды ұмытпаңыз. Жас жігіттер мен әйелдер тобына жақындамаңыз. Қалта ұрылары көбінесе топ болып жұмыс істейді. Олардың бірі жәбірленушіні итеру арқылы алаңдатса, қалғандары қалталарын тінтуге уақыт табады.

Қалта ұрыларының құрбаны болмау үшін әмиян мен телефонды киімнің сыртқы қалтасында сақтамаңыз, қоғамдық көлікте және сауда орталықтарында сөмке мен рюкзакты алдыңызға ұстап жүріңіз, адам көп жиналатын жерлерде бағалы заттарды көзге түсірмеуге тырысыңыз. Полиция азаматтарды қырағылық танытуға шақырады. 

Мұқият болу – қалта ұрлығының алдын алудың ең тиімді жолдарының бірі екенін  еске салады.

Ақпарат көзі Polisia.kz.