Қазақ өз тарихын білсе дүниені төңкереді. Асқар Әбдіғалиұлы

Тарих — ұлттың жады. Танымды тарихы жадында жатталған ұлт қана ұлт ретінде сақталып, басқалармен қатар терезесі тең өмір сүре алады.

 Тарихын қастерлеген ұлт қана өткеннен тағылым алып, келешегіне сеніммен қарайды. Демек, ғылыми негізде жазылған танымды тарих — ұлт тəуелсіздігінің, ұрпақ тəуелсіздігінің кепілі, деп жазды e-history.kz.

Төл тарихымыз толық зерттелді ме, ғалымдар мен тарихшылар қазақтың жүріп өткен жолына толық әрі адал бағасын берді ме? 

Қазақ тарихы әлі де зерттелуі тиіс деп ойлаймыз. Себебі тарихшыларымыз бен халық арасынан шыққан шеріжешілер қазаққа қатысты кейбір дереектерді әрқалай түсіндіріп жүр. "Сапалы Қазақстан" порталына сұхбат берген тарихшы Асқар Әбдіғалиұлы мектеп оқулықтарына, тарихи кітаптарға енбеген деректерді алға тартады. Тарихшының пікірімен біреулер келісер, ал біреулер келіспес. Дегенмен, өткенімізді зерттей отырып, бірнеше кітап жазған автордың айтқандарына құлақ түріп көрейік.