Елімізде баспана бағасы өседі. Сарапшы болжамы

Тұрғын үй нарығындағы баға 12-15 пайызға өсуі мүмкін. Құрылыс саласының мамандары осындай болжамжарын алға тартты, деп хабарлады "Сапалы Қазақстан" порталы.

Жылжымайтын мүлік нарығының тәуелсіз сарапшысы Александр Пак  lsm.kz сайтына берген сұхбатында  құрылыс компаниялары өз мүліктерінің бағасын бірте-бірте өсіретінін түсіндірді: айына шамамен 2-3% төңірегінде болуы мүмкін. Сарапшының болжамы бойынша, 2026 жылы шығындардың өсуі 10-12% шегінде қалыптасады.

"Кейбір компаниялар  ұсынатын бағалар біркелкі болуы үшін үй тұрғызуға жұмсалатын болашақ шығындарын қазірдің өзінде біртіндеп қоса бастауы мүмкін. Бірақ нарықтық реакцияға, сатылымдар санына байланысты бағаны төмендету құны бойынша жағдай өзгеруі мүмкін", - деп түсіндірді А. Пак.

Қайталама нарыққа келетін болсақ, сарапшының пікірінше, бұл салада алыпсатар белсенді әрекетке көшуі мүмкін. 

Үлестік құрылыс туралы айта келе, спикер  үкімет қолға алған қатаңдату шараларын оң бағалады: ақшаны заңсыз тарту және рұқсатсыз жарнама үшін айыппұлдардың өсуі (1,2 млн теңгеден 7,9 млн теңгеге дейін); брондау шарттарын жасасуға шектеулер; қолма-қол ақшасыз төлемдерге толық көшу және т.б шаралардың пайдасы тиеді. Себебі,  А.Пактың айтуынша, мұндай шаралар қазақстандықтарды қорғайды және нарықтың жосықсыз ойыншыларының санын азайтады.

Жылжымайтын мүлік федерациясының басшысы Ермек Мүсірепов жаңа Салық кодексі бойынша ҚҚС-тың жеңілдетілген режимі жойылған жағдайда 5-15% аралығында өсім болуы мүмкін екенін алға тартты.  

Шығындардың өсуіне және маржаны азайту резервтерінің шектеулі болуына байланысты эконом-класс пәтерлері 5-7%-ға қымбаттауы мүмкін.

Комфорт пен бизнес-кластар өз бағасын 10-15%-ға көтереді. Бұл негізінен маркетингтік бағаға және шығындарға жоғары сезімталдыққа байланысты болады.

Нарықтың өзі тек салық жүктемесі арқылы емес, сұраныс пен ипотеканың қолжетімділігі арқылы реттеледі», - деп түсіндірді Е.Мүсірепов.

Сарапшының пікірінше, алыпсатарлық бағаның өсуіне жол бермеу үшін декларативті емес, белсенді шаралар қажет. Бұған бағалар бойынша мониторинг және жария есеп беру (ай сайын, аймақтар және сегменттер бойынша) кіреді. Сондай-ақ ірі жобалардың аудитін және құнын ашуды енгізу қажет.

Сонымен қатар, өтпелі кезеңде тұрақты бағаны сақтау бойынша құрылыс салушылармен меморандумдар жасау маңызды.

Сондай-ақ сарапшы ипотеканы субсидиялау мен қолжетімді баспана құрылысын, сондай-ақ орта және шағын құрылыс салушылар үшін әкімшілік кедергілерді азайту арқылы бәсекелестікті ынталандыруды атады.

Сонымен қатар, сарапшы атап өткендей, тұрақты қаржы құралдары қажет: тіркелген мөлшерлемемен ипотеканы дамыту, жылжымайтын мүлікті қысқа мерзімді қайта сатуға салық енгізу. Жылжымайтын мүлік федерациясының басшысы Ермек Мүсіреповтің айтуынша, бұл алыпсатарлыққа қарсы бағытталған шара.

"Үкіметтің пайымдауынша,құрылыс компаниялары бағаны көбіне "көрінбейтін" ҚҚС ескере отырып қалыптастырады.  Алайда жеңілдіктерді алып тастау нарыққа бағаны ресми түрде қайтадан көтеруге негіз болуы мүмкін. Күрделі өсуді болдырмау үшін бақылау ғана емес, бәсекелестікті, инфрақұрылымды және ашықтықты дамыту бойынша белсенді мемлекеттік саясат қажет. Министрлер кабинеті бұл шараларды жүйелі түрде жүргізсе, салық нарығының салыстырмалы жаңа жағдайында да нақты тұрақтылықты сақтай алады, деп қорытындылады Ермек Мүсірепов.

Еске салайық, қазіргі уақытта құрылысшылар ҚҚС-тан босатылған. Дегенмен, Салық кодексінің жобасында 2026 жылдың қаңтарынан бастап тұрғын үй жәрдемақысын алып тастау нұсқасы қарастырылған.