Батыс Қазақстанда ауылдағы ветеринар мамандарға 100 жаңа көлік табысталды

Биыл облыс бойынша 5 миллиард теңгеге жуық қаражатқа 200-ге жуық арнайы техника сатып алу жоспарланып отыр

Батыс Қазақстан облысында ауылдық округтерде жұмыс істейтін ветеринар мамандарға 106 жаңа қызметтік автокөлік табысталды.

Барлық көлік заманауи ветеринариялық құрал-жабдықпен жабдықталған. Соның арқасында елді мекендерде ветеринариялық қызметтің жылдамдығы да, тиімділігі де арта түседі.

Өңір басшысы Нариман Төреғалиевтің айтуынша, соңғы екі жылда халықтың өмірін қамтамасыз ететін салалардың материалдық-техникалық базасын жақсарту үшін облыстық бюджеттен 10 млрд теңгеге бөлінді. Ал төтенше жағдай, орман шаруашылығы, коммуналдық шаруашылық, ветеринария, білім мен денсаулық салаларына 700-ге жуық арнайы техника сатып алынды.

"Биыл облыс бойынша 5 миллиард теңгеге жуық қаражатқа 200-ге жуық арнайы техника сатып алу жоспарланып отыр. Соның аясында жуырда "Батысирригация" мекемесіне 18 бірлік, бүгін ветеринариялық станцияларға 106 арнайы техника берілді", - дейді Төреғалиев.

ҚазАқпарат